11 лютага а 18 гадзіне Дзяржаўны літаратурна-мемарыяльны музей Якуба Коласа запрашае ўсіх прыхільнікаў класічнай музыкі на на музычны вечар з цыкла “Поры года ў творчасці Якуба Коласа”.

         Тэматыка вечара – "Людвіг ван Бетховен і яго час". Выканаўцы – ансамбль “Камерныя салісты Мінска” пад кіраўніцтвам Дзмітрыя Зубава, таленавітага арганіста, клавесініста, дырыжора з Пецярбурга, які добра вядомы мінскай публіцы па працы з Дзяржаўным Камерным аркестрам, ансамблем “Класік-авангард” і ў Нацыянальным акадэмічным Вялікім тэатры оперы і балета Рэспублікі Беларусь.